Біблія ў кантэксце беларускай культуры

Біблія – “кніга кніг” хрысьціян і юдэяў. Значэньне Бібліі як крыніцы культуры, літаратуры і мастацтва многіх народаў сьвету цяжка пераацаніць. Праз Біблію да многіх народаў дайшлі ня толькі “словы Божыя”, але і розныя вобразы, што леглі ў аснову мастацкіх і літаратурных твораў. Біблія ў кантэксьце беларускай культуры – навучальны дапаможнік для студэнтаў, мэтай якога ёсьць акрэсьленьне асноўных накірункаў дасьледваньня ўплыву Бібліі на культуру нашага народа. Больш чым за тысячу гадоў хрысьціянства на беларускіх землях Біблія прынесла ў першую чаргу пісьменства і разьвіцьцё роднай беларускай мовы. Менавіта Тураўскае Евангельле, зьяўляецца адным з найстарэйшых помнікаў беларускага пісьменства. Біблія Францішка Скарыны паставіла нашу мову ў адзін шэраг з перадавымі мовамі, бо на старабеларускай мове як на трэцяй у сьвеце Біблія была надрукаваная. Помнікі выяўленчага мастацтва, абразы, фрэскі, крыжы –зьяўляюцца неацэннай каштоўнасьцю нашай культуры. Асноўныя тэзісы і накірункі дасьледваньня ўплыву Біблііі на беларускую культуру – галоўная мэта выданьня Івана Трацьцяка, якая будзе цікавай ня толькі студэнтам, але і шмат каму, хто цікавіцца беларускай культурай

• Месца выхаду: Горадня
• Дата выхаду: 2003
• Рэдактар: Красніцкая Н. М.
• Выдавец: Міністэрства адукацыі Рэспублікі Беларусь, Гродзенскi дзяржаўны унiверсiтэт iмя Янкi Купалы
• ISBN: 985-417-454-9
• Катэгорыя: Гісторыя, Культура, Мэтадычная літаратура, Рэлігія
• Copyright: © 2003 by Іван Трацяк
• Кнігазбор: Kamunikat.org, Каталёг БГТ
• Інвэнтарныя нумары: BTH — 2625
• Дадатковая даведка: http://www.grsu.by --