Галоўная старонка / Выдаўцы і выдавецтвы / Праграмная рада тыднёвіка беларусаў у Польшчы Ніва /

Праграмная рада тыднёвіка беларусаў у Польшчы Ніва

„Ніва” выдаецца ў Беластоку ад 1956 года. Кожны яе выпуск датуецца нядзеляй. У Беластоку газета трапляе ў продаж у чацвер, які гэту нядзелю папярэджвае. Нашу старонку ў Інтэрнэце абнаўляем раней — у аўторак да 12 гадзіны польскага часу (GMT+1).

Інтэрнэт з’яўляецца той прасторай, у якой беларуская мова можа адчуваць сябе поўнасцю свабодна. У рэальным жыцці — незалежна ад геаграфічных каардынат — прасторы такой няшмат. Таму на нашых электронных старонках мы вырашылі аддаць перавагу слову (перагружаць іх графікай не будзем — ні цяпер, ні ў будучым).

Вы знойдзеце на гэтых старонках, між іншым, поўны выпуск нашай газеты — ён згодны па тыпаграфіі са сваім варыянтам на паперы. Робім гэта з думкай пра чытача ў Беларусі, у якой у пачатку 90-х гадоў спынілася распаўсюджванне нашага тыднёвіка шляхам міждзяржаўнай дамоўленасці. На працягу ўсёй дэкады распаўсюджванне ніколі не ўзнавілася. Цана нашай газеты (на польскія ўмовы крышку ніжэйшая за сярэднюю) у перакладзе на эканамічную рэальнасць Беларусі робіць тыднёвік недаступным шырэйшай чытацкай публіцы. Дзякуючы гэтай старонцы Вы зможаце перапісаць кожны выпуск „Нівы” ў свой камп’ютэр, аддрукаваць яго, прачытаць, а мабыць і пазычыць знаёмым, якія цікавяцца жыццём беларусаў у Польшчы.

А пішацца-ж наша газэта наркомаўскім правапісам. Гэта ні пратэст супраць чаго-небудзь, ні падтрымка чаму-небудзь. Прычына цалкам іншая, чытач у кожным кутку сьвету павінен яе зразумець — газэта выкарыстоўваецца ў якасьці дапаможніка ў тых школах Беласточчыны, у якіх вядзецца яшчэ навучаньне беларускай мовы. А навучаецца яна паводле тае нормы, для якое йснуюць падручнікі. У выпадку, калі-б Рэспубліка Беларусь прызнала беларускую мову як сваю дзяржаўную й пачала сваіх дзяцей вучыць чытаць і пісаць зь мяккім знакам — інакш выглядала-б навучаньне мовы на Беласточчыне, іначай пісалася-б наша газэта. Душою й сэрцам мы за мяккім знакам, але ж і жыцьцё ставіць свае ўмовы.

Тэкст www.niva.iig.pl

Праграмная рада тыднёвіка беларусаў у Польшчы Ніва. Выданьні

pdf

Ніва 2011/41 (2891)

тыднёвік беларусаў у Польшчы

Што такое восень? Гэта дажынкі. Прынамсі такая рэчаіснасць сённяшняй Беларусі. Дажынкі тут святкавалі яшчэ пры акупацыйнай германскай уладзе падчас Другой сусветнай вайны. Тады немцам патрэбны быў хлеб для іх войска. Дзе як не тут, у працавітага беларускага народа можна было яго ўзяць. Але ж нешта трэба... Болей »

pdf

Ніва 2011/40 (2890)

тыднёвік беларусаў у Польшчы

Мастацтвам займаецца з дзяцінства, ад пачатковай школы. Блізкая яму таксама паэтычная творчасць. Амаль усё жыццё звязаны ён з Крывою ў Бельскім павеце, дзе нарадзіўся. Першы раз пасля Другой сусветнай вайны выставу 88-гадовага сёння Анатоля Краўчука адкрылі ў Беластоку (23 верасня) ў Цэнтры Людвіка Заменгофа.... Болей »

pdf

Ніва 2011/39 (2889)

тыднёвік беларусаў у Польшчы

Гэта тут праводзіліся вернісажы мастакоў і прамоцыі творчасці ін-шых творцаў з Беларусі. Гэта гэтая ўстанова культуры па сваіх магчымасцях падтрымлівала творчасць беларусаў пражываючых на Падляшшы і была ў культурным сэнсе сувязным паміж Беларуссю і Беласточчынай, у якой пражываюць карэнныя беларусы.... Болей »

pdf

Ніва 2011/38 (2888)

тыднёвік беларусаў у Польшчы

Адразу пасля прыезду з Орлі я трапіла на беластоцкі марш еднасці супраць актаў неталерантнасці і нянавісці. Там у жывую пабачыла маладзёнаў, якія раўлі фашысцкія лозунгі: Cała Polska dla Polaków! Nie przepraszam za Jedwabne! Polska cała tylko biała! Ад іх агрэсіўнага гыркату спачатку шорхла цела. Шакіравала... Болей »

pdf

Ніва 2011/37 (2887)

тыднёвік беларусаў у Польшчы

Гэта словы Яна Максімюка, Сакратавага вучня і крытыка, з новай апрацоўкі „Сакрат Яновіч і загоны памяці”, даклада на XII Беларускім трыялогу-сімпазіоне ў Крынках. Сакрат Яновіч, польскі беларус, пісьменнік і публіцыст 4 верасня кончыў 75 гадоў. Яновіч на свае сімпазіоны склікае сваіх аднадумцаў, ратаяў... Болей »

pdf

Ніва 2011/36 (2886)

тыднёвік беларусаў у Польшчы

З Сакратам Яновічам напярэдадні яго 75-годдзя гутарыць Ганна Кандрацюк — Моманты ў жыцці, да якіх Вы вяртаецеся з асаблівай прыемнасцю? — Гэта дзяцінства. І маладыя гады. — А канкрэтна? Гэта культ сям’і, атмасфера пашаны — бацька і маці былі святыя. У Яновічаў заўсёды быў хлеб і да хлеба. А тады ў... Болей »

pdf

Ніва 2011/35 (2885)

тыднёвік беларусаў у Польшчы

Браніслаў Камароўскі больш за год пасля таго, як стаў на пасаду прэзідэнта РП, наведаў Чыжы. Якраз у гэтай гміне, якая налічвае дзве з паловай тысячы насельніцтва, на апошніх прэзідэнцкіх выбарах здабыў ён найбольшую ў маштабе ўсяе краіны падтрымку — 93,1%. Яго прыезд прадбачваўся ўжо зараз пасля выбараў... Болей »

pdf

Ніва 2011/34 (2884)

тыднёвік беларусаў у Польшчы

„Прымакі” запрасілі на бяседу. Славутыя „Прымакі” запрасілі ў першую жнівеньскую суботу (6.08.) на фэст у Міхалова — першую „Прымацкую бяседу”. Заадно на сваё пятнаццацігоддзе! „Юрка Астапчук цяпер працуе ў Міхалове, дык цепліцца ў душах надзея, што і беларушчына тут хоць крыху адродзіцца”, — яшчэ перад... Болей »

pdf

Ніва 2011/33 (2883)

тыднёвік беларусаў у Польшчы

У апошнюю ліпеньскую нядзелю ў беластоцкім парку Плянты сабралася шматлюдная публіка аматараў роднай культуры. Пад сонечным небам, на якое набягалі хмары (трапічны лівень абрынуўся на горад зараз пасля фестывалю), на пляцы каля фантанаў засела верная публіка, расклалі свае ларкі майстры, мастакі і літаратары.... Болей »

pdf

Ніва 2011/32 (2882)

тыднёвік беларусаў у Польшчы

На гарадоцкім урочышчы Барык буйна адгуляла дванаццатая ўжо „Сяброўская бяседа”, тыдзень пасля ХХІІ Фестывалю музыкі маладой Беларусі „Басовішча”. Гэтымі двума найбольшымі беларускімі фэстамі славіцца Гарадоцкая гміна, а выступаюць на іх перад міжнароднай публікай не толькі беларускія выканаўцы і гучаць... Болей »

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк