be

Ліхтаровіч Георгій

Ліхтаровіч Георгій

Нарадзіўся 6 снежня 1947г. у горадзе Мінску.

1954 – 1965 – вучыўся ў школе.

1965 – 1966 – працаваў асістэнтам кінааператара на Мінскай студыі навукова-папулярных і хранікальна-дакументальных фільмаў.

1966 – 1968 – служыў у войску -- Печы в/ч 43064. Друкаваўся ў перыядычных выданнях.

1969 – 1972 – працаваў фатографам у Інстытуце мастацтвазнаўства, этнаграфіі і фальклору Акадэміі навук. Ілюстраваў першыя тамы “Збору помнікаў гісторыі і культуры Беларусі”.

1970 – 1974 – вучыўся на архітэктурным факультэце БПІ. 1972 – выкладаў фотаграфіку ў Тэатральна-мастацкім інстытуце.

1973 – 1974 – фотакарэспандэнт газеты “Голас Радзімы”.

1974 – 1992 – працаваў фотакарэспандэнтам у дзяржаўных выдавецтвах. Шматлікія фотаальбомы, манаграфіі беларускіх мастакоў, энцыклапедычныя выданні, плакаты, камплекты паштовак, буклеты…

З 1992 – на творчай працы. 2000 – як фотамастак выдаў фотаальбом “Добры дзень, Беларусь”– “Лепшая кніга года” на беларускім конкурсе “Мастацтва кнігі”.

2000 -- прыняты ў Беларускі саюз дызайнераў.

2001 – 2006 – прымаў удзел у фатаграфічных і мастацкіх выставах. Пленэры памяці Язэпа Драздовіча, Васіля Быкава,Уладзіміра Караткевіча… Удзельнічаў у перадачах беларускага Радыё Свабода: “Верш на Свабоду”, “Прыватны дзённік”, “Магія мовы”… 2002 – выдаў кнігу паэзіі “Агульны сшытак”.

2003 – абраны ў Раду беларускай інтэлігенцыі.

2004 – сябра Рады Беларускага грамадскага аб’яднання“Фотамастацтва”.

2004 – вершамі і перакладамі ўдзельнічаў у выданні дыска беларускіх песень Галіны і Барыса Вайханскіх “Вяртанне”.

2005 – выдаў кнігу вершаў “Ліхтарыкі”.

2006 – прыняты ў Саюз беларускіх пісьменнікаў. Рэкамендацыі Ніла Гілевіча, Генадзя Бураўкіна, Вольгі Іпатавай.

2008 – у выдавецтве “Эксмо” Масква выдаў дэтэктыўны раман “Газ”. Найбольш значныя выданні: "Драўлянае дойлідства Беларускага Палесся", "Мастацтва, створанае народам", “Мінск”, “Гродна”, “Цытадэль славы”, “Траецкае прадмесце”, “Добры дзень, Беларусь” Выданні па гісторыі мастацтва: “Драўлянае дойлідства Палесся” “Беларуская кафля”, “Веткаўскі музей…”, “Жывапіс Беларусі ХІІ–ХVІІІ стагоддзяў”, “Пластыка Беларусі ХІІ–ХVІІІ стагоддзяў”, “Дэкаратыўна-прыкладное мастацтва Беларусі ХІІ–ХVІІІ стагоддзяў", “Іканапіс Беларусі ХІІ–ХVІІІ стагоддзяў”, “Плетение из соломки”, “Повязь часоў – беларускі ручнік”, “Слуцкие пояса”, “Сялянская энцыклапедыя ў творах Мікалая Тарасюка", "Мотальскія прысмакі", "Палескія былі ў творах Івана Супрунчыка"...

Ліхтаровіч Георгій. Выданьні

Ліхтарыкі
pdf epub

Ліхтарыкі

лагодныя, памяркоўныя і рахманыя (кароткі курс)
Ліхтаровіч Георгій

Чарговая кніжка вершаў Георгія Ліхтаровіча пераканаўча даказвае, што сапраўдная паэзія можа быць не толькі дасканалай па форме, глыбокай па думцы, афарыстычнай. Гэты зборнік прасякнуты тонкім пачуццём гумару, самаіроніяй.... Болей »

Мінск = Минск = Minsk

Мінск = Минск = Minsk


Грахоўскі Сяргей - тэкст, Ліхтаровіч Георгій- фота

Вы ўжо, напэўна, пагарталі старонкі альбома. Зірнулі на Мінск з вышыні, палюбаваліся яго шырокімі імклівымі праспектамі, новымі раёнамі, паркамі і скверамі, помнікамі далёкай і блізкай гісторыі. На світанні мой горад плыве ў ружаватай смузе, ажывае, становіцца людным — спяшаецца на заводы і будоўлі... Болей »

Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org