Жыхары Гомеля: Мы – у балоце, будзе надзея на змены

2020-05-29 15:07

:/:

У Гомелі выстраілася чарга на пікеце па зборы подпісаў у падтрымку высоўвання кандыдатам у прэзідэнты Ціханоўскай.

Пляцоўка каля цырка, дзе сабраліся прыхільнікі відэаблогера, запоўнілася цалкам.

Жыхары абласнога цэнтра падзяліліся ўражаннямі, чаму яны прыйшлі аддаць свой голас у падтрымку жонкі Сяргея Ціханоўскага:

– Я не думаю, што ён хоча стаць прэзідэнтам, і што яго жонка хоча стаць прэзідэнтам. Проста ён падняў народ з канапы, каб мы перасталі цярпець гэтую ўзурпатарскую ўладу 26 гадоў.

– Трэба дапамагчы адправіць яму на сёмы тэрмін таварыша ў турму.

– Будзе нейкая надзея, што штосьці зменіцца, у лепшы ці горшы бок – ніхто не ведае. А так мы – у балоце, у нас адно і тое ж штогод, у нас няма ніякай надзеі.

– Чаму яны ўсе маўчаць? Красоўскі, Захаранка, дзе яны талковыя мужчыны?

Відэаблогер Сяргей Ціханоўскі не змог зарэгістраваць сваю ініцыятыўную групу для ўдзелу ў выбарчай гонцы, паколькі знаходзіўся ў ізалятары часовага ўтрымання. Замест яго падала дакументы ягоная жонка Святлана Ціханоўская.

Відэаблогер цяпер з’яўляецца кіраўніком яе ініцыятыўнай групы.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк