Журы конкурсу “Экслібрыс” абвясціла пераможцаў

2025-11-06 20:32

Штогадовы літаратурны конкурс «Экслібрыс», якія сёлета быў прымеркаваны да 90-годдзя Анатоля Клышкі, пісьменніка, перакладчыка і педагога, аўтара славутага «Буквара», падвёў вынікі.

У гэтым годзе конкурс быў прысвечаны дзіцячай літаратуры ва ўсіх яе відах і жанрах. Да ўдзелу ў конкурсе прымаюцца творы для дзяцей усіх узростаў, як празаічныя так і паэтычныя. Адметнасць сезону 2025 таксама была ў тым, што не было ніякіх абмежаванняў паводле ўзросту ўдзельнікаў.

Такім чынам, з трох дзясяткаў дасланых тэкстаў быў абраны кароткі спіс, у якім апынуліся:

Таццяна Багданава «Не на сваім месцы»

Марыя Баравік «Намалюю вясну»

Алеся Казка «Пёры, пух і сяброўства. Пяць сапраўдных гісторый з жыцця віленскіх вераб’ёў»

Адарка Лісоўская «Гісторыі лісы-кілбасы. Прыгоды ў казачным замку»

Мая Яновіч «Легенда пра месяцовую багіню Чан’э» .Малюнкі Яны Івашчанка

Надзея Ясмінска «Якуб — срэбраны чуб»

Перамогу, згодна меркаваннем журы конкурсу, які арганізоўвае Міжнародны саюз беларускіх пісьменнікаў, падзяляюць дзве аўтаркі:

Таццяна Багданава з празаічным творам «Не на сваім месцы» і Марыя Баравік з вершаванай нізкай «Намалюю вясну».

Рукапісы пераможцаў згодна з умовамі конкурса выйдуць асобнымі кніжкамі.

Віншуем!

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк