Затрыманых падчас пратэстаў утрымлівалі ў калоніях і ЛПП

2020-08-22 20:26

:/:

Па звестках, якія атрымлівае кіраўнік праваабарончай арганізацыі “Тайм Акт” Васіль Завадскі, грамадзяне, затрыманыя падчас разгонаў пратэстаў супраць фальсіфікацыі выбарў, утымліваюцца не толькі ў ізалятарах часовага ўтрымання ці ў цэнтрах ізаляцыі правапарушальнікаў, але нават у лячэбна-працоўных прафілакторыях і калоніях.

– Мы атрымліваем шмат інфармацыі, якую складана зараз спраўдзіць. А такая, якая вельмі падобная да праўдзівай, што людзі трапляюць не толькі ў ЦІПы, ІЧУ, але ўтрымліваліся нават у лячэбна-працоўных прафілакторыях. А па нашых звестках, на сёння ў пятай папраўчай калоніі ў Івацэвічах 39 чалавек утрымліваецца.

Ужо гэта адно з’яўляецца парушэннем закону, бо адміністратыўна затрыманыя не могуць утрымлівацца ў пенетэнцыярных установах, такіх, як калонія, – кажа Васіль Завадскі.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк