За правы чалавека 10 (81) 2012

Полацкі райвыканкам 29 кастрычніка правёў грамадзкія слуханьні па пытаньні зьнішчэньня дрэваў для будаўніцтва храма. Царква РПЦ будзе пабудаваная на тэрыторыі чыгуначнага шпіталя на ўскраіне Полацку. Для гэтага будзе сьпілавана 17 бяроз і прыгожая лістоўніца. Голас грамадзян, якія прапаноўвалі захаваць дрэвы, застаўся не пачуты. Чарговыя грамадзкія слуханьня жыхароў Полацку, як заўсёды, праходзілі ў вялікай залі Полацкага райвыканкаму. Сход было прызначана на 17 гадзін 30 хвілін. Акрамя чальцоў камісіі ў залі было зарэгістравана 47 жыхароў Полацкага раёну. Большасьць людзей, якія прыйшлі на грамадзкія слуханьня, пры рэгістрацыі адразу галасавалі «За», нават не паслухаўшы абмеркаваньня праблемы. У выніку галасаваньня - 43 галасы аддадзеныя за выдаленьне расьлінных аб’ектаў, чацьвёра ўдзельнікаў адмовіліся ад галасаваньня. Большасьць тых, хто прыйшоў на сход, былі работнікамі чыгуначнага шпіталя, якіх арганізавана прывезьлі ў райвыканкам.

• Месца выхаду: Віцебск
• Дата выхаду: 2013-10
• Copyright: © 2013 by За правы чалавека
• Кнігазбор: Kamunikat.org