Выйшла кніга малой прозы Віктара Шалкевіча

2025-12-15 15:13

У Таліне выйшаў з друку зборнік малой прозы Віктара Шалкевіча пад назвай «Каштан пры Бэрнардынах», піша Суполка беларускіх пісьменнікаў. Гэта чацвёртая па ліку кніга вядомага гарадзенскага барда і паэта.

Сам Віктар Шалкевіч з уласцівай яму дасціпнасцю ахарактэрызаваў навінку так: «Гарох з капустаю, торбачка сьмеху, альбо старазапаветныя байкі з Цэнтральнае, Сярэдняе, Заходняе Эўропы, Амэрыкі і іншых старонак сьвету. Словам, з тых месцаў, дзе аўтар калісьці меў магчымасьць паставіць чаравіка».

У ранейшым даробку аўтар мае кнігі «Requiem па непатрэбных рэчах», «Мястэчка G і ваколіцы» і «Блюз вясна».

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк