Выйшаў штогадовы гарадзенскі альманах “Новы замак”

2026-01-12 16:03

Напярэдадні Новага года выйшаў з друку 14-ы нумар штогадовага гарадзенскага літаратурнага альманаха «Новы замак». У выданні публікуюцца літаратурныя творы творцаў з Гарадзеншчыны.

Адкрывае альманах раздзел з паэзіяй Святланы Адамовіч, Дануты Бічэль, Рычарда Бялячыца, Уладзіміра Васько, Міколы Канановіча, Альжбеты Кеда, Віктара Сазонава, Станіслава Судніка, Янкі Трацяка.

Рубрыка «Проза» знаёміць чытачоў з творамі Сяргея Чыгрына, Янкі Трацяка, Рычарда Бялячыца, Уладзіміра Васько, Альжбеты Кеда і Віктара Сазонава.

Галіна Самойла ў раздзеле «Літаратуразнаўства» разбірае формы вершаў уласнай кнігі ў артыкуле з назвай «Зоркі над Маўклівай адзінотай, або Сама сабе крытык».

Не абыйшоў «Новы замак» увагай і літаратурную спадчыну. Чытачы знойдуць на старонках альманаха творы Юры Карэйвы, Юры Гуменюка, Андрэя Пяткевіча, Едруся Мазько і інш.

Валянцін Дубатоўка і Леанід Лаўрэш падзяліліся ўспамінамі пра краязнаўца Валерыя Петрыкевіча з Дзятлава і пра страчаныя цывілізацыі Гайцюнішкаў і суседніх Падварышкаў з Воранаўскага раёна.

У памяць паэта Мечыслава Курыловіча надрукавана падборка яго вершаў, а таксама шэраг матэрыялаў альманах апублікаваў з нагоды 115-годдзя Апанаса Цыхуна, пра постаць якога ўспамінаюць напісалі Пётр Цыхун, Іван Буднік, Сяргей Чыгрын.

На старонках выдання чытачоў чакаюць і іншыя цікавосткі.

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк