Весткі й Паведамленьні 01 (551) 2012

Успамінаючы шчаслівыя моманты дзяцінства, безумоўна, узгадваю бабуліну вёску. Няважна, у які час: у сьпякоту, з тады, здавалася, жудаснымі аваднямі на каровах ці вужакамі пад кустамі чарніцаў, альбо пры вясновым разводзьдзі, з залітым павадкам склепам ці паветкаю, ці ўвосень, з пахам грыбоў і сушаных яблыкаў у пратопленай смалякамі хаце, ці напэрэдадні Калядаў, з запацелымі шыбамі, з бабуляй, што завіхаецца ля прыпечка, зь яе, бы між іншым сказанымі, заўвагамі ня ляпаць дзьвярыма, бо цеста не падыдзе… Сьвята Калядаў было сапраўднай містэрыяй з чаканьнем цудаў і з надыходам нейкага іншага новага прамежку часу, які чамусьці і я, і мой старэйшы брат, і бацькі ўспрымалі аднолькава – па-дзіцячаму пранікнёна і шчымліва, адчуваючы дарослымі і мудрымі толькі нашых бабулю і дзядулю. Адчувалася нейкая зусім немагчымая для тлумачэньня апека, напэўна, Божая...

• Месца выхаду: Нью-Ёрк
• Дата выхаду: 2012-01
• Кнігазбор: Kamunikat.org