Весткі й Паведамленьні 1 (611) 2017

Унядзелю, 11 сьнежня, у Нью-Ёрку ў бары “Дром” на авэню А на Мангэтане з дапамогаю Беларуска-Амэрыканскага Згуртаваньня “Пагоня” адбыўся канцэрт славутага беларускага рок-музыкі Лявона Вольскага, падрыхтаваны да гадавіны заснаваньня праекту “Дзед Барадзед”. Перад гэтым Лявон Вольскі выступаў у Нью-Ёрку 4 гады таму. Л. Вольскі быў удзельнікам, салістам і кампазытарам, славутага гурта “Мроя”, першая кружэлка якога выйшла яшчэ ў савецкі час, а з 1994 года стаў звацца “NRM” і выпусьціў восем альбомаў . Сп. Вольскі таксама супрацоўнічаў у праектах “Народны альбом”, “Крамбамбуля” ды іншых. Вёў аўтарскую радыёперадачу “Квадракола”. Выдаў 4 сольныя альбомы, апошні зь якіх “Псыхасаматыка” выйшаў сёлета, а таксама некалькі зборнікаў паэзіі й прозы.

• Месца выхаду: Нью Ёрк
• Дата выхаду: 2017-01
• Copyright: © 2017 by Весткі й Паведамленьні
• Кнігазбор: Kamunikat.org