Уцёкі з Палесься

Новая кніга Валянціны Аксак нараджаецца на пакутных шляхах змушанай блуканкі. Асабісты боль выгнаньніцы са свайго дому шматкроць узмацняецца трагедыяй зьняволеных і закатаваных у вязьніцах на радзіме. Захопніцкая вайна за яе паўднёвымі межамі не пакідае аўтарцы ні каліва спадзеву на шчаснае вяртаньне. І ўсё ж ляйтматывам кнігі ёсьць загад паэткі самой сабе: жыць навырост! Валянціна Аксак паходзіць зь вёскі Смалічы, што на Нясьвіжчыне. Жыве ў Менску. Мае дыплём гісторыка і досьвед журналісткі. Выдала кнігі паэзіі «Цьвінтар», «Капліца», «Антычны дождж», «Віно з Каліфорніі», «Ружоўніца», «Дзікая сьліва», «Завінены рай», «Кава ў арліным гнязьдзе», «Трэці Эдэм». Яе вершы друкаваліся ў перакладах на швэдзкую, нямецкую, дацкую, літоўскую, польскую, расейскую, францускую, украінскую, ангельскую, румынскую, фінскую, гішпанскую мовы.

• Месца выхаду: Беласток
• Дата выхаду: 2023
• Выдавец: Фонд Kamunikat.org
• Памеры: 104 с.
• ISBN: 978-83-968534-7-9
• Катэгорыя: Мастацкая літаратура
• Copyright: © 2023 by Валянціна Аксак, Фонд Kamunikat.org
• Кнігазбор:
  • прыватны кнігазбор у Беластоку (папяровы асобнік)