Тут і цяпер 30-09-2011

Айчынныя нарколагі звоняць ва ўсе званы не першы год: нават па афіцыйных звестках Нацыянальнага статыстычнага камітэта, сярэднестатыстычны беларус выпівае больш за 12 літраў чыстага спірту ў год. Гэта ўжо значна больш за дапушчальныя для здароўя нормы Сусветнай арганізацыі аховы здароўя — 8 літраў. Рэальная ж лічба, мяркуюць спецыялісты, набліжаецца да 19 (!) літраў. "Пры гэтым улічвайце, што 80 працэнтаў усяго рэалізаванага ў Беларусі алкаголю ўжываюць 20 працэнтаў насельніцтва краіны", — даводзіць журналістам кіраўнік Цэнтра маніторынгу наркалагічнай сітуацыі РНПЦ псіхічнага здароўя Сяргей Осіпчык. І яшчэ адна істотная рэмарка: доля нізкаякасных пладова-ягадных він, ці наўпрост "чарніла", у агульным аб'ёме рэалізацыі алкаголю стабільна складае каля 1/3. І, мяркуючы па ўсяму, апошнія месяцы гэтая доля толькі расце. Прычым, адчувальнымі тэмпамі. "Бырла"якое параўнальна нядаўна стала каштаваць па 8-9 тысяч рублёў за бутэльку 0,7 усё роўна ў чыстую выйграе ў гарэлкі коштам 12-15 тысяч рублёў з-за простых эканамічных выкладак. "Градусны літраж" двух відаў напояў прыблізна аднолькавы. Але ёсць важнае адрозненне. "Чарніла" не трэба закусваць у адрозненне ад гарэлкі. Закуска цяпер "кусаецца" як ніколі.

• Дата выхаду: 2011-09-30
• Рэдактар: Уласаў А.
• Выдавец: ТАА Тут і цяпер
• Copyright: © 2011 by Тут і цяпер
• Кнігазбор: Kamunikat.org