Тут і цяпер 28-04-2011

“Калі справа дойдзе да суда, прадухіліць закрыццё газет будзе ўжо бадай немагчыма». Такую думку выказаў намеснік старшыні ГА «БАЖ» Андрэй Бастунец на нарадзе кіраўнікоў арганізацыі ў звязку з сітуацыяй вакол «Народнай волі» і «Нашай Нівы». «Фармальна ў газет хапае папярэджанняў, каб суд, не ўнікаючы ў сутнасць справы, задаволіў зыскі Мінінфармацыі. Таму спыніць драматычнае развіццё падзеяў ёсць шанец толькі праз адкліканне зваротаў у суд», — лічыць юрыст. Паводле арт. 161 Гаспадарча-працэсульнага кодэксу (ГПК), на ўзбуджэнне вытворчасці па зысках у Вышэйшага Гаспадарчага суда 5 дзён. Паколькі зыскавая заява паступіла ў ВГС 25 красавіка, ужо найбліжэйшымі днямі справу могуць завесці. Паводле ГПК, на працягу 15 дзён пасля паступлення зыскавай заявы павінна быць прызначана дата папярэдняга судовага пасяджэння. А не больш як праз 2 месяцы пасля прыняцця «вызначэння» пра ўзбуджэнне вытворчасці справу павінны разгледзець.

• Дата выхаду: 2011-04-28
• Рэдактар: Уласаў А.
• Выдавец: ТАА Тут і цяпер
• Copyright: © 2011 by Тут і цяпер
• Кнігазбор: Kamunikat.org