Тут і цяпер 17.01.13-23.01.13 г.

Безумоўна, хітом публічнай прасторы краіны стала прэсуха кіраўніка дзяржавы. Канечне, там многа было сказана пра ўсе кірункі нашага жыцця. Вось толькі якія адказы Аляксандра Лукашэнкі спадабаліся беларускаму электарату? Гэта высвятлала "Тут і цяпер". Валянцін Акудовіч, філосаф: "Гэта шоу для тупых" — Я гэта не глядзеў і глядзець не збіраюся. Раней я не глядзеў таму, што мне было гідка, а цяпер ужо прызвычаіўся. Але чаму не гляджу? Смяяцца над усім гэтым — сябе дурнем адчуваць. Аналізаваць неяк? Дык я ж па прафесіі не палітолаг, які з гэтага жыве. Таму цяпер, калі няма ні агіды, ні смеху, ёсць адчуванне нейкай татальнай тупізны. Як мур, як сцяна. Ты тупееш, трапляючы ў праекцыю гледача, а тупым я не надта люблю быць. Можа, гэта робіцца дзеля таго, каб нас атупляць? Выступы Лукашэнкі — гэта шоу для тупых. І як толькі ў гэтае поле трапляюць не самыя тупыя, яны таксама тупеюць. І потым усе гэтыя каментары і аналітыка з нагоды выступу ў разумных людзей патыхаюць тупізной. Яны разам ствараюць і пашыраюць дыскурс тупізны за межы гэтага выступу.

• Месца выхаду: Мінск
• Дата выхаду: 2013-01-17
• Рэдактар: Уласаў А.
• Выдавец: ТАА Тут і цяпер
• Copyright: © 2013 by Тут і цяпер
• Кнігазбор: Kamunikat.org