Тут і цяпер 10-11-2011

У вітрыне яго кіёска — легінсы па 50 тысяч за пару, гетры па 30, цёплыя гольфы ад 15 тысяч. А вось знайсці што-небудзь больш істотнае з адзення і абутку на згаданую суму праблематычна. Па вялікім рахунку, на кірмашы і на ўвесь БПМ ледзь-ледзь атрымаецца зрабіць адно з двух: або апрануцца (купіць як быццам зімовую куртку альбо цёплыя джынсы і швэдар), або абуцца (у боты фасону "бывай, маладосць" коштам да 250 тысяч ці ў шэдэўры кітайскага легпраму — на сезон, затое танна, да 400 тысяч). У адказ на просьбу паказаць "што-небудзь да 100 тысяч" прадаўцы спачатку губляліся, а потым з дзіцячым імпэтам корпаліся ў глыбінях кіёскаў. У выніку ў патрэбнай цэнавай катэгорыі былі знойдзены: мужчынская кашуля невядомага паходжання, вязаныя пальчаткі, камплект жаночай бялізны, дзіцячыя валёнкі, парасон, летні сарафан і гумавыя боты. Але ўсё гэта, мякка кажучы, не вельмі якаснае.

• Месца выхаду: Мінск
• Дата выхаду: 2011-11-10
• Рэдактар: Уласаў А.
• Выдавец: ТАА Тут і цяпер
• Copyright: © 2011 by Тут і цяпер
• Кнігазбор: Kamunikat.org