Тут і цяпер 10.01.13-16.01.13 г.

Апошнім часам усё больш людзей, асабліва высокаадукаваных, тых, хто ведае мовы і валодае запатрабаванымі спецыяльнасцямі, з'язджае за мяжу. Наколькі незваротны гэты працэс, разбіралася "Тут і цяпер". Віктар Шалкевіч, бард, аўтар радкоў "А ў канцы гэтай сцежкі панура стаіць непазбежная цень эміграцыі": "Лірычны герой і аўтар – не адно і тое ж" — Я такі варыянт нават не разглядаю. А чаго гэта я павінен эмігрыраваць? Гэта мая краіна: тут я нарадзіўся, тут жылі мае бацькі, дзяды, прадзеды. Маё Поразава стаіць з пятнаццатага стагоддзя. Куды ж тут ехаць? Гэта несур'ёзная пастаноўка пытання. Такое мог заявіць мой лірычны герой, але ж лірычны герой і аўтар — дзве розныя рэчы. Я нясхільны асуджаць эмігрантаў. Мне здаецца, паколькі Бог стварыў свет і сказаў Адаму і Еве: "Пладзіцеся і множцеся", то людзі вольны пладзіцца і множыцца, дзе толькі захочуць. Але ж асноўная маса людзей шукае шчасця і знаходзіць яго менавіта на сваёй зямлі. Таму, напрыклад, шведы не эмігрыруюць так масава. Высновы рабіце самі.

• Месца выхаду: Мінск
• Дата выхаду: 2013-01-10
• Рэдактар: Уласаў А.
• Выдавец: ТАА Тут і цяпер
• Copyright: © 2013 by Тут і цяпер
• Кнігазбор: Kamunikat.org