Тут і цяпер 02.06.2011

Найбольш крэатыўныя ідуць на розныя хітрыкі дзеля яе набыцця — напрыклад, ездзяць на рынкі Літвы, Польшчы, Расіі ды Украіны на гандаль. А потым за выручаную валюту гэтых краін набываюць еўра і долары, а то і проста прывозяць гэтыя грошы, не мяняючы, каб потым з чарговага атрыманага заробку ці нейкага даходу зноў паехаць гандляваць. Тым часам у "валютных" чэргах пануе істэрыя, здараюцца бойкі, а то і горшыя выпадкі: так, 45-гадовы спадар з Магілёва, які двое сутак запар прастаяў каля абменніка на вакзале ў абласным цэнтры, памёр ад разрыву сэрца на прыступках памяшкання білетных кас. Дарэчы, каля гэтай жа касы людзі бачылі і аднаго з высокіх кіраўнікоў гарвыканкама: чыноўнік, як і ўсе, прыйшоў адзначыцца ў чарзе (у абедзенны перапынак, дарэчы, бо з дысцыплінай цяпер строга). Час ад часу маюць месца незразумелыя абмежаванні выдачы грошай праз банкаматы тых ці іншых банкаў. Банкавыя карткі ва ўсім свеце існуюць для таго, каб чалавек разлічваўся праз іх без наяўных грошай. У нас жа чалавек здымае грошы ў банкамаце і бяжыць плаціць гэтымі грашыма ў краму — такая вось нацыянальная асаблівасць карыстання банкаўскімі рахункамі.

• Дата выхаду: 2011-06-02
• Рэдактар: Уласаў А.
• Выдавец: ТАА Тут і цяпер
• Copyright: © 2011 by Тут і цяпер
• Кнігазбор: Kamunikat.org