Толькі ўвосень берасцейскія тэатры змогуць сустрэцца з гледачамі

2020-06-10 22:26

:/:

Як мінімум толькі ўвосень змогуць сустрэцца берасцейскія тэатры са сваімі гледачамі.

Нягледзячы на тое, што праца над новымі спектаклямі працягваецца, пабачыць у бліжэйшыя месяцы іх можна будзе выключна ў анлайне:

– Берасцейскі абласны акадэмічны тэатр драмы працягвае выкладваць свае архіўныя запісы спектакляў. Але ў летні перыяд у параўнанні з вясновым запісы будуць з’яўляецца з меншай інтэнсіўнасцю. Звычайна для актораў гэта час вакацый.

Берасцейскі лялечны тэатр таксама запрашае да прагляду спектакляў з архіваў. Для маленькіх гледачоў відэа выкладаецца кожную суботу і даступнае цягам некалькіх дзён. Ужо відавочна, што сёлета не адбудзецца міжнародны тэатральны фестываль “Белая вежа”. Штогод ён ладзіўся ў першай палове верасня і збіраў сотні ўдзельнікаў з дзясяткаў краінаў свету.

Аліса Поль, Беларускае Радыё Рацыя, Берасце

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк