Сьвітанак 7 (153) 2013

Замежныя інвестары гатовы дапамагчы Шуміліншчыне з мадэрнізацыяй дрэваапрацоўкі. Цяпер у нашы лясы пацягнуліся расіяне.Расійскія інвестары ствараюць у Шуміліна буйны дрэваапрацоўчы комплекс. Мяркуецца, што агульны аб'ём інвестыцый складзе каля 15 млн. еўра. Перадусім расейцы набылі на аўкцыёне арачнік, які раней належаў райсельгасхіміі, і на базе гэтых плошчаў маюць намер арганізаваць уласную вытворчасць. Новы дрэваапрацоўчы комплекс будзе ўключаць у сябе дзесяць прадпрыемстваў. Першае з іх – “ИскПоиск” зарэгістравана ў раёне яшчэ ў 2010 годзе. У канцы мінулага года да яго дадаліся прадпрыемства “Бивер Трэйд” і “Вуд Уокер”, закліканыя займацца сталярнымі працамі, сушкай піламатэрыялаў, а таксама продажам гатовых вырабаў. Яшчэ сем прадпрыемстваў, якія будуць створаны і аб'яднаныя ў комплекс, будуць займацца вытворчасцю ацыліндраванага бруса, драўляна-палімерных кампазітаў, вырабам вокнаў і канструкцый дахаў, перавозкай і іншай дапаможнай дзейнасцю.

• Месца выхаду: п/а Амбросавічы, Шумілінскі раён
• Дата выхаду: 2013-04
• Рэдактар: Салодкі Сяргей
• Copyright: © 2008-2013 by Сьвітанак
• Кнігазбор: Kamunikat.org