Сьвітанак 15 (324) 2022

Шумілінскі раён утрымлівае лідэрства ў вобласці па бустэрнай вакцынацыі супраць каранавіруснай інфекцыі. Прышчэпку ад COVID-19 у Віцебскай вобласці атрымалі больш за 18,5 тыс. дзяцей ва ўзросце ад 5 да 17 гадоў, паведамляе Віцебскі абласны цэнтр гігіены, эпідэміялогіі і грамадскага здароўя. Прышчэпачная кампанія ад каранавіруса ў паўночным рэгіёне ідзе добрымі тэмпамі. Як удакладнілі ў абласным цэнтры гігіены, эпідэміялогіі і грамадскага здароўя "поўны курс вакцынацыі ад COVID-19 прайшлі каля 770 тыс. чалавек, або 72 працэнты жыхароў вобласці. Каля 785 тыс. чалавек атрымалі першы кампанент прэпарата, а гэта 73 працэнты. Сярод дзяцей ва ўзросце ад 5 да 17 гадоў прышчэплены больш як 18,5 тыс. чалавек, што складае 13,3 працэнта ад агульнай колькасці хлопчыкаў і дзяўчынак гэтай узроставай катэгорыі.” Растлумачальная работа аб важнасці вакцынапрафілактыкі каранавіруснай інфекцыі з педагогамі, бацькамі і дзецьмі актывізавалася з пачаткам новага навучальнага года. Хлопчыкі, дзяўчынкі, а таксама цяжарныя жанчыны і якія кормяць маці прывіваюцца кітайскім прэпаратам. Астатняму даросламу насельніцтву ўводзяцца расійскія "Спадарожнік Лайт" і "Гам-Ковід-Вак", апошні ўводзіцца і як бустэрная доза.

• Месца выхаду: п/а Амбросавічы, Шумілінскі раён
• Дата выхаду: 2022-10
• Рэдактар: Шчамлёў Аляксандр
• Copyright: © 2022 by Сьвітанак
• Кнігазбор: Kamunikat.org