Сьвітанак 15 (127) 2011

Пад гэты праект быў выдзелены адрамантаваны будынак. На пачатку працавалі дзве залы, дзе былі размешчаны экспазіцыі, якія былі прысвечаны працоўнаму і ваеннаму подзвігу нашых землякоў. У асноўным наведвальнікам былі прадстаўлены тэмы экспазіцый савецкага перыяду. У адной зале сабралі матэрыялы, фотаздымкі, асабістыя рэчы, якія расказвалі пра даваенае жыццё і будаўніцтва сацыялізму ў раёне. Музейныя экспанаты, сабраныя ў другой зале, распавядалі аб падзеях вайны з нямецка-фашысцкімі акупантамі (зараджэнне і развіццё партызанскага і падпольнага руху ў раёне). У 1993 годзе пасля адкрыцця трэцяй экспазіцыйнай залы, прысвечанай пасляваеннаму аднаўленню шумілінскага краю, музей народнай славы перайменавалі ў гісторыка-краязнаўчы музей. Першым кіраўніком музея працавала Людміла Голубева. Яна першай пачала збор тых матэрыялаў, якія затым склалі асноўны фонд музея.

• Месца выхаду: п/а Амбросавічы, Шумілінскі раён
• Дата выхаду: 2011-11
• Рэдактар: Салодкі Сяржук
• Copyright: © 2008-2011 by Сьвітанак
• Кнігазбор: Kamunikat.org