Сьвітанак 04 (116) 2011

15 сакавіка ў Менску прэм’еры Уладзімір Пуцін і Міхаіл Мясніковіч падпісалі пагадненне аб будаўніцтве АЭС на Беларусі. Гэта стала чарговым пунктам у працягу манапольнай залежнасці Беларусі ад расійскіх энерганосьбітаў.Перадусім прынцыповая дамоўленасць аб узвядзенні беларускай атамнай электрастанцыі на Астравеччыне была дасягнута яшчэ ў пачатку 2009 года падчас расейска-беларускіх перамоваў. У лютым 2011 года праект накіравалі ў Мінэнерга Беларусі. Пры гэтым Менск падрыхтаваў запыт на мэтавы крэдыт у памеры 9 мільярдаў долараў . Насамрэч на будаўніцтва АЭС патрабуецца 6-7 мільярдаў. Важна тое, што атамная станцыя будзе будавацца па ўнутрырасейскіх цэнах. Разам з тым расейскі бок прадэманстраваў гатоўнасць выдзеліць крэдыт да 4 мільярдаў на вырашэнне праблем беларускай эканомікі. Беларусь павінна вяртаць у расейскі бюджэт мыта за нафтапрадукты, а грошай няма. Падобна на тое, што перспектыва будаўніцтва атамнай электрастанцыі па сваёй важкасці выйдзе на першы план. Разлічваюць на максімальнае паскарэнне гэтага праекта ў рамках цеснага ўзаемадзеяння дзвюх энергетычных сістэм.

• Месца выхаду: п/а Амбросавічы, Шумілінскі раён
• Дата выхаду: 2011-03
• Рэдактар: Шчамлёў Аляксандр
• Copyright: © 2008-2011 by Сьвітанак
• Кнігазбор: Kamunikat.org