Споведзь у надзеi застацца жывым

Кніга прысьвечаная аднаму з найбольш выбітных сыноў беларускага народу. Браніслаў Тарашкевіч – аўтар першай граматыкі беларускай мовы актыўны палітычны і грамадзкі дзяяч Заходняй Беларусі. За сваю палітычную дзейнасьць падвяргаўся арыштам і прысуджаўся да працяглых тэрмінаў зьняволеньня. Ў рамках абмену палітзьняволенымі паміж СССР і Польшчай Браніслаў Тарашкевіч пераяджае жыць у СССР, але тыя спадзяваньні і прыўкрасы прапаганды, якія сеяліся сярод жыхароў Заходняй Беларусі пра Савецкую Беларусь, на справе аказаліся адно прыгожымі словамі. Бачачы, як ягоныя былыя паплечнікі “грамадоўцы”, апынуўшыся ў Савецкім Саюзе, скіраваліся проста за краты, абвінавачваньня у нацдэмаўшчыне, Браніслаў Тарашкевіч на замову АДПУ піша сваю аўтабіяграфію. Менавіта гэтая аўтабіяграфія стала прычынай абвінавачваньняў Браніслава Тарашкевіча ў здрадзе сяброў і беларускай інтэлігенцыі, але аўтар аўтабіяграфіі ня ведаў, што і яго лёс таксама накрэсьлены менавіта ёй самой. Упершыню ў Беларусі аўтабіяграфія Браніслава Тарашкевіча выдадзеная на мове арыгінала і без купюраў. Выданьне – гэта помнік тым страшным часам калі молах перамолваў лёсы і жыцьці беларусаў, а таксама і напамін пра тое, што страшныя часы не павінны паўтарыцца. (З.К.)

• Месца выхаду: Мінск
• Дата выхаду: 1999
• Рэдактар: Лiс А. С.
• Выдавец: Беларускі навукова-даследчы інстытут дакументазнаўства і архіўнай справы
• Выдавецтва/ друкарня: БелНДІДАС
• Памеры: 200 с., [6] л. iл.; iл., 21 см
• ISBN: 985-6099-52-8
• Катэгорыя: Гісторыя, Палітыка, Правы чалавека, Грамадзтва, Біяграфіі
• Copyright: © 1999 by А.I.Валахановiч, У.М.Мiхнюк
• Кнігазбор: Kamunikat.org