Спадчына 1/1994

Шаноўныя Чытачы! З гэтага нумара «Спадчына» будзе прыходзіць да вас павялічаным да 16 аркушаў аб'ёмам. Доўгачаканая «мажнасьць» выданьня адлюстроўвае як чытацкую патрэбу ў спажываньні духоўных здабыткаў папярэдніх пакаленьняў, так і дзяржаўную матар'яльную фундацыю праграмы Адраджэньня і культурнага будаўніцтва. Шлях да ёмістага нацыянальнага часопіса гістарычна-культуралягічнага зьместу ня быў кароткі. Чытачы сталага веку памятаюць першы нумар навукова-мэтадычнага бюлетэня «Помнікі гісторыі і культуры Беларусі», зьяўленьне якога ў 1969 г. стала сьвяточнай падзеяй для аматараў даўніны. Ён выходзіў чатыры разы на год і меў сьціплы аб'ём у 6 аркушаў. На працягу амаль дваццаці гадоў ва ўмовах ідэалягічнага і цэнзурнага ціску бюлетэнь намагаўся зацікавіць чытача скарбамі беларускае культуры. Нягледзячы на перавагу партыйных матар'ялаў, усё ж лелшыя тагачасныя публікацыі «Помнікаў» шмат каго змусілі абудзіцца ад нацыянальнага нігілізму.

• Месца выхаду: Мінск
• Дата выхаду: 1994-01
• Рэдактар: Чыгрынаў Іван
• Памеры: 144с.
• Copyright: © 1990-2008 by Спадчына
• Кнігазбор: Kamunikat.org, Каталёг БГТ, Каталёг EEDC, Прыватны каталёг
• Інвэнтарныя нумары: BTH — 143, EEDC — 3605, 3605-2