Раман «Людзі на балоце» – мастацкая Біблія беларусаў

2021-02-06 15:14

:/:

8-га лютага спаўняецца 100 год з дня нараджэння Народнага пісьменніка Беларусі Івана Мележа.

Сталічнае выдавецтва «Мастацкая літаратура» да гэтай даты падрыхтавала кнігу «Іван Мележ. Пясняр Палесся» і перавыданне рамана «Людзі на балоце».

Пра значэнне творчасці Мележа кажа дырэктар выдавецтва Аляксандр Бадак:

- У 1961-м годзе раман «Людзі на балоце» – гэта проста была нейкая ў добрым сэнсе рэвалюцыя ў беларускай літаратуры. Знайшоўся пісьменнік, які адкрыў абсалютна іншыя абсягі беларускай літаратуры. Ён заняў тое месца, якое ў сусветнай літаратуры займалі ды цяпер займаюць Фолкнер і яшчэ можна гаварыць пра Шолахава і яго „Ціхі Дон”, – гэта Іван Мележ.

Кнігі выдавецтва ««Мастацкая літаратура» да 100-гадовага юбілею Івана Мележа можна набыць на XXVIII Менскай міжнароднай кніжнай выставе, якая адкрыецца 18 лютага, а таксама ў беларускіх кнігарнях.

Беларускае Радыё Рацыя, Менск

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк