Прэмію імя Міхася Стральцова атрымала Наста Кудасава

2021-02-13 13:46

Паэтка Наста Кудасава 12 лютага стала ляўрэаткай літаратурнай прэміі імя Міхаіла Стральцова. Гэта рашэньне абвясьціла журы прэміі ў складзе Алены Стральцовай, Уладзімера Някляева, Аксаны Спрынчан і Міхася Скоблы.

«За навізну мэтафарычнага асваеньня духоўнага сьвету, спалучэньне традыцый нацыянальнай паэтыкі з мадэрнісцкімі вобразна-выяўленчымі мастацкімі формамі», — так агучыў матывацыю журы страшыня Саюза беларускіх пісьменьнікаў і галоўны рэдактар часопісу «Дзеяслоў» Барыс Пятровіч.

Сёньня таксама ўручылі прэмію часопісу «Дзяслоў» «Залаты апостраф» у трох намінацыях. «Залаты апостраф» за прозу ў 2020 годзе атрымаў Сяргей Рублеўскі, за паэзію — Міхал Бараноўскі, за дэбют — Кася Іофе.

Крыніца: Радыё Свабода

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк