Прэмію Францішка Багушэвіча ўручаць анлайн

2020-06-03 21:06

4 чэрвеня а 19.00 адбудзецца ўручэнне прэміі Францішка Багушэвіча. Уручэнне будзе праводзіцца анлайн, спасылка на прамы эфір з’явіцца ў суполках ПЭНа ў сацсетках.

Прэмія Францішка Багушэвіча — гэта штогадовая літаратурная прэмія, заснаваная ў 1994 годзе. Традыцыйна ўручаецца за выдатную гістарычную прозу аўтарам кніг, што спрыяюць абуджэнню гістарычнай свядомасці і нацыянальнай незалежнасці чытачоў.

Сачыць за навінамі прэміі можна на адмысловай старонцы ў фэйсбуку.

На эфіры ўручэння будзе магчымасць паслухаць гутарку з сёлетнім лаўрэатам (і задаць яму пытанні). Назавуць імя пераможцы пісьменнікі і сябры Рады Беларускага ПЭНа Уладзімір Арлоў і Таццяна Нядбай.

Раней лаўрэатамі прэміі былі Уладзімір Арлоў, Лявон Баршчэўскі, а. Аляксандр Надсан, Леанід Маракоў, Захар Шыбека і іншыя.

Летась лаўрэатам прэміі Францішка Багушэвіча стаў Васіль Герасімчык за кнігу “Кастусь Каліноўскі: Асоба і легенда”.

novychas.by

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк