Прэмія імя Алеся Адамовіча 2025 пачынае збор заявак!

2025-03-10 19:10

Шукаем творы, што змяняюць свет! Беларускі ПЭН абвяшчае старт прыёму заявак на прэмію імя Алеся Адамовіча за творы, выдадзеныя ў 2024 годзе. Калі вы ведаеце творы, што адкрываюць вострыя тэмы, задаюць пытанні часу і ўплываюць на грамадскую дыскусію, – гэтая ўзнагарода чакае іх!

Хто можа ўдзельнічаць?

Сёлета прэмія выйшла за межы кніжных старонак. Мы прымаем:

Кнігі

Артыкулы ў медыя

Падкасты

Кіна- і відэапраекты

Асноўнае патрабаванне – твор мусіць быць апублікаваны ў 2024 годзе і быць прысвечаны актуальным праблемам сучаснасці.

Падрабязнасці можна пачытаць у Статуце і Рэгламенце прэміі.

Як намінаваць твор?

Права намінаваць творы, што адпавядаюць мэтам прэміі, маюць толькі сябры Беларускага ПЭНа.

Для ўдзелу ў конкурсе адсутнічаюць абмежаванні для аўтараў і аўтарак твораў паводле ўзросту, грамадзянства, месца жыхарства і месца публікацыі твораў.

Дэдлайн: 24 сакавіка 2025 года (23:59 беларускага часу)

Чаму гэта важна?

Прэмія носіць імя Алеся Адамовіча – пісьменніка і грамадскага дзеяча, які словам змагаўся за свабоду і справядлівасць. Сёння гэтая барацьба працягваецца. Намінаваныя творы могуць стаць часткаю гісторыі.

Крыніца: Беларускі ПЭН

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк