Права на волю № 5 (266) 2010

Перасьлед асуджаны. Еўрапарламент большасьцю галасоў 10 сакавіка прыняў рэзалюцыю, якая асуджае становішча грамадзянскай супольнасьці і нацыянальных меншасьцяў у Беларусі. Прынятая рэзалюцыя была папярэдне ўзгоднена пяцьцю палітычнымі фракцыямі Еўрапарламенту. У дакуменце, у прыватнасьці, выказана занепакоенасьць у сувязі з парушэньнямі правоў чалавека ў дачыненьні да грамадзкіх актывістаў і прадстаўнікоў незарэгістраванага аб'яднаньня "Саюз палякаў у Беларусі" на чале з Анжалікай Борыс, а таксама заклік зарэгістраваць "Саюз палякаў Беларусі" і вярнуць адабраную маёмасьць. Еўрапарламентары заклікалі зарэгістраваць праваабарончы цэнтр "Вясна" і партыю "Бела­руская хрысьціянская дэмакра­тыя" (БХД), гарантаваць свабо­ду слова і аб'яднаньняў, забясь­печыць магчымасьці для працы недзяржаўных арганізацыяў і СМІ. Акрамя таго, рэзалюцыя заклікае вызваліць палітычных актывістаў Івана Міхайлава, Арцёма Дубскага і Андрэя Бандарэнку, а таксама спыніць перасьлед Таць­цяны Шапуцькі і адмовіцца ад намераў кантраляваць Інтэрнэт.

• Месца выхаду: Мінск
• Дата выхаду: 2010-03
• Выдавец: Праваабарончы цэнтр Вясна
• Copyright: © 2010 Праваабарончы Цэнтр Вясна
• Кнігазбор: Kamunikat.org