Права на волю №11 (254) 2009

Беларускі рэжым варожы да дэмакратыі. Дзяржаўны дэпартамент ЗША апублікаваў даклад аб становішчы свабоды і дэмакратыі ў сьвеце. У дакуменце зьвяртаецца ўвага на высілкі ЗША, накіраваныя на садзейнічаньне дэмакратычным зьменам і захаваньню правоў чалавека ў недэмакратычных краінах і краінах, дзе адбываюцца дэмакратычныя рэформы. Беларусь – у ліку 106 краінаў, сітуацыя ў якіх аналізуецца ў дакладзе Дзярждэпартаменту ЗША. Палітычная сітуацыя і сітуацыя з захаваньнем правоў чалавека ў Беларусі мае ў дакладзе традыцыйныя характарыстыкі. У прыватнасьці, у дакладзе адзначаецца аўтарытарны характар палітычнага рэжыму ў Беларусі і падкрэсьліваецца, што ў краіне ў 2008 годзе працягваліся незаконныя арышты і перасьледы грамадзянаў па палітычных матывах. Сітуацыя з захаваньнем правоў чалавека, нягледзячы на асобныя пазітыўныя факты, у цэлым, згодна з ацэнкай Дзярждэпартаменту ЗША, застаецца вельмі дрэннай. Паводле дакладу, "варожасьць беларускага рэжыму да дэмакратыі і правоў чалавека ў спалучэньні з практычна поўнай манаполіяй дзяржавы на сродкі масавай інфармацыі стварылі атмасферу страху і рэпрэсіяў".Мэты, якія ставяць перад сабой Злучаныя Штаты ў дачыненьні да Беларусі, зыходзяць з прынятага ў 2007 годзе Акту аб пашырэньні дэмакратычных каштоўнасьцяў.

• Месца выхаду: Менск
• Дата выхаду: 2009-05
• Выдавец: Праваабарончы цэнтр Вясна
• Copyright: © 2009 Праваабарончы Цэнтр Вясна
• Кнігазбор: Kamunikat.org