Працягваецца анлайн-фэст #АртыстыПерамогі! Гурт “Петля Пристрастия”

2021-01-29 14:49

Беларускі фонд культурнай салідарнасці разам з YouTube-каналам “Страна для жизни” запрашае на анлайн-фэст #АртыстыПерамогі!

30 студзеня: гурт “Петля Пристрастия” 20:00 на канале #BY_Culture.

Пост-панк гурт “Петля Пристрастия” быў створаны ў 2004 годзе вакалістам Іллёй Чарапко-Самахвалавым і басістам Цімафеем Савіцкім. У склад гурта ўваходзіць пяць чалавек, на яго рахунку пяць поўнафарматных альбомаў. Гурт шмат гастралюе. “Петля Пристрастия” актыўна падтрымлівае пратэставы рух. Сінгл “Норма”, запісаны гуртом у красавіку-2020, быў пазней прысвечаны нескароным беларусам.

Музыкі выступалі з канцэртам на “Плошчы пераменаў”, а 22 лістапада ў Менску падчас “Марша супраць фашызму” быў затрыманы Ілля Чарапко-Самахвалаў, які быў асуджаны на 15 сутак.

Глядзіце кожную суботу а 20-й гадзіне канцэрты годных музыкаў, якія праявілі актыўную грамадзянскую пазіцыю, былі на маршах, завітвалі да вас у двары, пісалі пратэставыя песні і здымалі адпаведныя відэа. Яны, як і вы, часта за гэта мелі непрыемнасці, былі затрыманы, збіты, вымушаны былі бегчы. Але нягледзячы на ўсю небяспечнасць яны з вамі да перамогі!

Пры падтрымцы Беларускай дыяспары ў Нідэрландах.

Глядзіце таксама: 6 лютага: гурт “N.R.M.” Канцэрты пройдуць бясплатна. Але вы можаце падтрымаць беларускіх культурных дзеячаў і іх праекты тут: https://byculture.org/donate

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк