Паходня 3 (90) 2009

Камітэт дзяржкантролю: Шматлікія дзяржпрадпрыемствы знаходзяцца ў жаласным стане. Старшыня Камітэта дзярж-кантролю Зянон Ломаць на паседжанні Магілёўскага аблвыканкама заявіў, што на шэрагу дзяржаўных прадпрыемстваў стварылася «жаласнае» становішча. Чыноўнік сказаў, што праверкі КДК паказваюць, што ў апошні час шматлікія з іх працуюць стратна. Старшыня Камітэта дзяржкантролю адзначыў неабходнасць больш эфектыўнага выкарыстання бюджэтных сродкаў. Зянон Ломаць заявіў, што ў некаторых раёнах вобласці райвыканкамы не кантралююць выкарыстанне арганізацыямі выдзеленых бюджэтных сродкаў. Так, у Чавускім раёне камерцыйнай арганізацыі было выдзелена 465 млн. рублёў для набыцця новай тэхналагічнай лініі. Аднак гэтыя прадпрымальнікі пераправілі грошы праз падстаўныя асобы ашуканцам, а на прадпрыемства паставілі былое ва ўжыванні абсталяванне невядомага паходжання, паведамляе «Тэлеграф» са спасылкай на БелТА.

• Месца выхаду: Бялыніцкі раён, вёска Машчаніца
• Дата выхаду: 2009-02
• Рэдактар: Вырвіч Барыс
• Кнігазбор: Kamunikat.org