Паходня 14 (26) 2007

Дэмаграфія: сумныя лічбы Кожны дзень чую па дзяржаўнаму радыё і тэлебачанню, чытаю ў "правільных газетах, што беларусы з кожным годам жывуць усё лепш і лепш. Магчыма для каго-небудзь гэта і так, але на стане дабрабыту сваёй уласнай сям'і я гэтага неяк не адчуваю. Ды і ў роднай вёсцы большасць маіх сяброў і знаёмых штосьці асабліва жыццю не радуецца, скардзяцца, што ўсё цяжэй і цяжэй дабывать капейчыну на хлеб. Зойдзеш у магазін - грошы ў кішэні нібыта ёсць. Купіш якую драбязу з прадуктаў харчавання - і іх ужо няма, бо цэны... Што раней мог купіць за дзесяць тысяч, зараз трыццаці не хапае. Таму і не верыцца мне ў “значнае павышэнне ўзроўня жыцця “. Адно я бачу сваімі вачымі: з кожным годам ў нашым Бялыніцкім раёне становіцца ўсё менш жыхароў, усё больш народу памірае. I гэта не мае асабістыя ўражанні. Яшчэ пяць гадоў таму ў раёне пражывала 25,1 тысячы чалавек, а на 1 студзеня 2007 года ўжо толькі 21 тысяча. За дзевяць месяцаў бягучага года ў раёне памёрла 405 чалавек, што на 18 больш, чым за адпаведны перыяд мінулага. I гэта пры тым, што насельніцтва значна скарацілася.

• Месца выхаду: Бялыніцкі раён, вёска Машчаніца
• Дата выхаду: 2007-10-20
• Рэдактар: Вырвіч Барыс
• Кнігазбор: Kamunikat.org
• Дадатковая даведка: Выданьне публікуецца тут за ласкавай згодай Рэдакцыі