Паходня 12 (99) 2009

Да нас прыедзе Рыгоравіч. Аляксандр Лукашэнка плануе наведаць Бялыніцкі раён у верасні гэтага года. Як стала вядома рэдакцыі газета “Паходня”, кіраўнік нашай краіны павінен прыехаць у Бялыніцкі раён у верасні гэтага года. Ва ўсялякім выпадку, пра гэта ўжо папярэджаны чыноўнікі Бялыніцкага райвыканкама і кіраўнікі асобных арганізацый. Па словах супрацоўнікаў райвыканкама, якія пажадалі захаваць сваю ананімнасць, чакаецца, што Аляксандр Рыгоравіч наведае шэраг аб'ектаў у ААТ “Новая Друць”. Аляксандру Лукашэнка плануюць паказаць новыя жывёлагадоўчыя комплексы ў аграгарадках Вялікая Машчаніца і Цяхцін, а таксама пабудаваныя за апошні час жылыя дамы і аб’екты сацыяльнай інфраструктуры. Магчыма, што Аляксандр Рыгоравіч прыме асабісты ўдзел ва ўводзе ў эксплуатацыю малочна-таварнага комплекса, які будуецца ва ўрочышчы Ключыкі непадалёк ад Вялікай Машчаніцы будаўнікамі Бялыніцкага ПМК-241. Як кажуць адказныя супрацоўнікі ПМК-241, будаўніцтва аб’екта павінна быць цалкам завершана ў жніўні гэтага года.

• Месца выхаду: Бялыніцкі раён, вёска Машчаніца
• Дата выхаду: 2009-06
• Рэдактар: Вырвіч Барыс
• Copyright: © 2009 by Паходня
• Кнігазбор: Kamunikat.org