Паходня 03/2008

Лідары дэмакратычных сіл Магілёўшчыны наведалі Бялынічы Напрыканцы мінулага месяца Бялынічы наведалі лідары рэгіанальнай кааліцыі дэмакратычных сіл Магілёўскай вобласці Пётр Мігурскі, Рыгор Кастусёў і Аляксандр Сілкоў. У Бялынічах яны сустрэліся з актывістамі дэмакратычных арганізацый нашага раёна. На сустрэчы былі абмеркаваны пытанні тактыкі дзеянняў дэмакратычных сіл у перыяд правядзення перадвыбарчай кампаніі па вылучэнню кандыдатаў у дэпутаты Палаты прадстаўнікоў Нацыянальнага сходу. Былі вызначаны верагадныя кандыдаты ад аб’яднаных дэмакратычных сіл па нашай выбарчай акрузе. Усе прысутныя пагадзіліся, што ў якасці кандыдатаў павінны вылучацца сапраўды прадстаўнікі простага народу, якія будуць адстойваць яго інтарэсы, а не чыноўнікі розных узроўняў, асноўная задача якіх, па словах Аляксандра Лукашэнкі, як мага далей "хрюкать возле кормушки”. Усе прысутныя засталіся задаволенымі вынікамі адбыўшайся сустрэчы і пагадзіліся з прапановай Рыгора Кастусёва, што такія абмеркаванні ў далейшым павінны адбывацца рэгулярна.

• Месца выхаду: Бялыніцкі раён, вёска Машчаніца
• Дата выхаду: 2008-02
• Рэдактар: Вырвіч Барыс
• Кнігазбор: Kamunikat.org
• Дадатковая даведка: Выданьне публікуецца тут за ласкавай згодай Рэдакцыі