Ніва 23 (2352)

Набліжаецца шасцідзесятая гадавіна нападу гітлераўскай Нямеччыны на Савецкі Саюз. З гэтай нагоды ў Беларусі запланаваны некалькі канферэнцый і навуковых сустрэч для абмеркавання падзеі, якая ў грамадстве рэспублікі ўсё яшчэ выклікае вялікія эмоцыі. Адна з такіх канферэнцый прайшла 25-26 траўня ў Мінску. Яе арганізатарамі былі Мінскі і Дортмундскі Міжнародныя адукацыйныя цэнтры і Беларускае гістарычнае таварыства. Да ўдзелу ў канферэнцыі арганізатары, апрача вучоных, запрасілі ўсіх зацікаўленых тэмай ІІ сусветнай вайны, у тым ліку і ветэранаў Савецкай Арміі. Стан падрыхтоўкі Савецкага Саюза да вайны прадставіў вядомы ў Беларусі даследчык па справах сталінскіх рэпрэсій Ігар Кузняцоў. Колькасцю салдат, а нават узбраення савецкая армія перавышала нямецкія сілы. Праблема ў тым, — гаварыў дакладчык, — што ўсе яны былі сканцэнтраваны блізка нямецкай мяжы, што зусім выключала магчымасць ваенных дзеянняў абарончага характару. Большасць авіяцыі саветы патрацілі ў першых гадзінах вайны. Іх самалёты нават не падняліся з зямлі. У гарнізонах не было боепрыпасаў для вінтовак, ні паліва для танкаў і аўтамабіляў. Афіцэры не мелі ніякіх планаў на выпадак паражэння ў першых днях вайны. Большасць генералаў і палкоўнікаў не мела акадэмічнай адукацыі. (Я. Мірановіч, Міфы і праўда пра пачатак вайны, фрагмэнт)

• Месца выхаду: Беласток
• Дата выхаду: 2001-06-10
• Рэдактар: Луба Віталь
• Выдавец: Праграмная рада тыднёвіка Ніва
• Copyright: © 1999-2009 by Праграмная рада тыднёвіка Ніва
• Кнігазбор: Kamunikat.org