Неруш № 1 (37) 2008

Луток – адна з самых рэдкіх і самых прыгожых гняздуючых птушак Беларусі. Пры тым, што гнездавы арэал гэтай паўночнай качкі пачынаецца каля тысячы кіламетраў на поўнач ад межаў Беларусі, у зоне тайгі, наяўнасць маленькай ізаляванай гнездавой калоніі гэтага віду ў Палессі на рыбгасе “Белае” выглядае большы чым дзіўным! Асаблівасцю біялогіі лутка з’яўляецца яго гнездаванне выключна ў дуплах дрэваў, якія растуць па берагам вадаёмаў. На жаль, у апошні час старых дрэваў з дупламі становіцца ўсё менш і менш. Але арнітолагі знайшлі выйсце – можна зрабіць штучныя гняздоўі і развесіць іх на дрэвах. Такі эксперымент быў зроблены у 1993 годзе супрацоўнікамі Нацыянальнай Акадэміі навук Беларусі і меў поспех – частка дуплянак была заселена. На сёння яны, на жаль, ужо струхнелі і прыйшлі ў нягоднасць. І вось цяпер настала пара школьнікам прыйсці на дапамогу лутку.

• Месца выхаду: Баранавічы
• Дата выхаду: 2008-01
• Рэдактар: Зуеў Уладзімір
• Выдавец: эколага-краязнаўчае грамадскае аб’яднанне “Неруш”
• Copyright: © 2008 by эколага-краязнаўчае грамадскае аб’яднанне “Неруш”
• Кнігазбор: Kamunikat.org