Наша Ніва 41/2004

Сусьветная місія *** У адрозьненьне ад Эўропы, у Амэрыцы вера чалавека — зусім не прыватная справа кожнага, і тым больш прэзыдэнта. Ад кожнага кандыдата ў прэзыдэнты Штатаў чакаецца глыбокая павага да веры сваіх суграмадзян. А яны вераць у Бога і ў сусьветную місію ЗША, пакліканых распаўсюдзіць амэрыканскія каштоўнасьці свабоды і дэмакратыі на ўвесь сьвет. Выбар Джорджа Ўокера Буша, серадняка ва ўсім, акрамя палымянай веры ў Амэрыку і яе каштоўнасьці, — гэта выбар грамадзянамі ЗША мэсіянскай ролі для сваёй краіны. Джорджа Буша і амэрыканцаў не зразумець без паваротнай падзеі найноўшай гісторыі Штатаў — атакі на Сусьветны гандлёвы цэнтар. Яна стала вызначальнай ня толькі ў палітычнай дзейнасьці прэзыдэнта, але таксама для яго асабістых поглядаў і нават веры. 11 верасьня стала своеасаблівым днём перамяненьня амэрыканскага мэсіянізму. Час выбраў Буша, а Буш убачыў сваю місію ня толькі ў абароне ўласнай краіны ад тэрарызму, але ў поўнай перамозе над сусьветнымі сіламі зла. Вайна ў Іраку мела для амэрыканскага прэзыдэнта прынцыповае значэньне.

• Месца выхаду: Менск
• Дата выхаду: 2004-11-05
• Рэдактар: Дынько Андрэй
• Выдавец: Фонд выданьня газэты Наша Ніва
• Выдавецтва/ друкарня: Друкарня РУП Выдавецтва Беларускі Дом друку
• Copyright: © 2003-2009 by Наша Ніва
• Кнігазбор: Kamunikat.org