Наша Ніва 27/2008

Чарговы скандал з продажам зброі. Суданская газэта Sudan Tribune паведаміла пра пастаўку партыі расейскіх зьнішчальнікаў «Міг-29» зь Беларусі. Угода пярэчыць рэзалюцыі 159 ААН, што забараняе пастаўку любых відаў узбраеньняў ураду Судану ці мяцежнікам Дарфуру. Крыніца газэты ў суданскім войску паведаміла, што 12 зьнішчальнікаў «Міг-29» былі сакрэтна перапраўленыя зь Беларусі ў Судан. Пакуль невядома, хто менавіта выступіў у якасьці пра даўца — урад Беларусі ці нейкая іншая ўсходнеэўрапейская краіна. Паміж Беларусьсю і ўрадам Судану падпісаны пратакол аб вайсковай супрацы, паводле якога беларускія інструктары навучаюць суданскіх вайскоўцаў, «дзеляцца зь імі вайсковым досьведам», а навукоўцы абедзьвюх краінаў сумесна распрацоўваюць «праекты ў вобласьці ваеннай навукі».

• Месца выхаду: Менск
• Дата выхаду: 2008-07-24
• Рэдактар: Скурко Андрэй
• Выдавец: Прыватнае прадпрыемства Суродзічы
• Выдавецтва/ друкарня: Друкарня РУП Выдавецтва Беларускі Дом друку
• Copyright: © 2003-2009 by Наша Ніва
• Кнігазбор: Kamunikat.org
• Дадатковая даведка: Заснавальнік: Мясцовы фонд выданьня газэты Наша Ніва