Наша Ніва 19/2004

Дарога ў нікуды *** Рабочая група палаты прадстаўнікоў на чале са старшынём камісіі па правах чалавека, міжнацыянальных адносінах і СМІ Валер’ем Ліпкіным не рэкамэндуе выносіць на абмеркаваньне законапраект аб унясеньні зьмяненьняў і дапаўненьняў у Выбарчы кодэкс. Тым самым зроблены першы крок да непрызнаньня будучага парлямэнту эўрапейскай супольнасьцю. Ініцыявала прыняцьце паправак да Выбарчага кодэксу неляяльная ўладам дэпутацкая група «Рэспубліка» яшчэ мінулай вясной, а сам праект у суаўтарстве зь Мечыславам Грыбам напісаў генэрал Валер Фралоў. Праект закону трымаецца на трох кітах: адмена датэрміновага галасаваньня, пашырэньне правоў назіральнікаў падчас галасаваньня і пры падліку галасоў, а таксама абавязковы ўдзел палітычных партыяў у фармаваньні выбарчых камісій усіх узроўняў. Менавіта такіх зьмен ад афіцыйнага Менску патрабуе і Парлямэнцкая Асамблея АБСЭ, ПАРЭ, пагражаючы — пры адмове зьмяніць выбарчае заканадаўства — не прызнаць ні саміх выбараў, ні новага парлямэнту.

• Месца выхаду: Менск
• Дата выхаду: 2004-05-21
• Рэдактар: Дынько Андрэй
• Выдавец: Фонд выданьня газэты Наша Ніва
• Выдавецтва/ друкарня: Друкарня РУП Выдавецтва Беларускі Дом друку
• Copyright: © 2003-2009 by Наша Ніва
• Кнігазбор: Kamunikat.org