Народная Воля 41-42 / 2008

Зварот Саюза беларускіх пісьменнікаў да грамадзян Беларусі Шаноўныя суайчыннікі! У духоўнай спадчыне чалавецтва адным з самых важных багаццяў з'яўляецца родная мова. Без яе немагчыма стварыць нацыянальную культуру. А існаванне народа без сваёй культуры пазбаўленае высокага сэнсу. Вялікая ўвага мовам надаецца сёння ва ўсім свеце. Нездарма 2008 год абвешчаны Арганізацыяй Аб'яднаных Нацый годам моў, а на нядаўнім саміце кіраўнікоў краін, якія ўваходзяць у СНД, прынята рашэнне аб'явіць яго годам літаратуры і мастацкага перакладу. Беларуская моўная сітуацыя - складаная, але яе можна і неабходна выправіць. Прыклад у падобным падаюць нашыя суседзі-ўкраінцы, якія вяртаюць родную мову ва ўсе сферы грамадскага жыцця: ад дзіцячых садкоў, школ, ВНУ і да найвышэйшых дзяржаўных кабінетаў. Адраджэнне беларускай мовы - тонкая, далікатная праблема, якая яшчэ не ўсімі грамадзянамі ўспрымаецца належным чынам. Але яна тычыцца кожнага з нас. У цяперашнім беларускім грамадстве выяўляецца станоўчая тэндэнцыя цікавасці да роднай мовы. Дзякуючы патрыятычна настроенаму студэнцтву і некаторым службовым асобам яна гучыць падчас правядзення масавых мерапрыемстваў, у канцэртных праграмах, у грамадскім транспарце. Аднак дзеля паўнакроўнага існавання і развіцця мовы падобнага катастрафічна недастаткова.

• Месца выхаду: Менск
• Дата выхаду: 2008-03-20
• Рэдактар: Сярэдзіч Іосіф
• Выдавец: УК "Народная Воля"
• Copyright: © 2008 by Народная Воля
• Кнігазбор: Kamunikat.org
• Дадатковая даведка: Выдаецца з ліпеня 1995 на беларускай і рускай мовах; Адрас рэдакцыі: 220030 Мінск, вул. Энгельса 34а; прыёмная: тэл./факс (017) 3286871; тэл./факс рэкламнага аддзела: 3286904, 3286906; e-mail: nv@promedia.by; http://www.nv-online.info Выданьне публікуецца тут за ласкавай згодай Рэдакцыі