Народная Воля 105-106/2007

3 ліпеня 2007 года, Мінск... Парад, прысвечаны Дню Незалежнасці Рэспублікі Беларусь, у гэтым годзе, як і абвяшчалася напярэдадні, прайшоў без удзелу танкаў, самалётаў і... сельскагаспадарчай тэхнікі. ...Раніцай 3 ліпеня ў Мінску было ціха - ні машын, ні людзей... I ўсё ж пра тое, што вось-вось распачнуцца масавыя мерапрыемствы, можна было меркаваць па незлічонай колькасці міліцыянтаў у святочна белых кашулях. Каля дзесяці гадзін "дэлегацыя кіраўнікоў" прыбыла ўскладаць кветкі да помніка Перамогі. А ў адзінаццаць пачаўся вайсковы парац. Заўжды падчас правядзення парадаў рух на цэнтральных вуліцах Мінска перакрываецца. Так было і на гэты раз. Яшчэ на подступах да стэлы "Мінск - горад-герой" людзі ў цывільным прасілі жадаючых убачыць парад перайсці на той бок праспекта Пераможцаў, дзе размяшчаецца гасцініца "Планета". Было заўважана, што на яе даху мітусяцца нейкія людзі. "Няўжо снайперы?" - перапытвалі людзі адзін аднаго. Колькасць гледачоў на парадзе ўражвала. Па афіцыйнай інфармацыі, у раёне стэлы сабралася каля 100 тысяч чалавек. Некаторыя расказвалі, што займалі месца ажно за дзве з паловай гадзіны да пачатку парада. "Пусціце, мне сяброўка заняла месца каля прэзідэнта", - угаворвала службістаў нейкая грамадзянка. "Жанчына, вы разумееце, туды можна прайсці толькі тым, у каго ёсць спецпропуск", - спакойна адказвалі жанчыне прадстаўнікі сілавых структур. (фрагмэнт, больш падрабязна ў PDF-файле)

• Месца выхаду: Менск
• Дата выхаду: 2007-07-05
• Рэдактар: Сярэдзіч Іосіф
• Выдавец: УК "Народная Воля"
• Copyright: © 2007 by Народная Воля
• Кнігазбор: Kamunikat.org
• Дадатковая даведка: Выдаецца з ліпеня 1995 на беларускай і рускай мовах; Адрас рэдакцыі: 220030 Мінск, вул. Энгельса 34а; прыёмная: тэл./факс (017) 3286871; тэл./факс рэкламнага аддзела: 3286904, 3286906; e-mail: nv@promedia.by; http://www.nv-online.info Выданьне публікуецца тут за ласкавай згодай Рэдакцыі