Мова Нанова Брно - Горад | Кнігі

2025-03-23 14:55

У рамках заняткаў «Мова Нанова Брно Горад | Кнігі» Фонд Kamunikat.org меў магчымасць правесці сустрэчу Уладзіміра Арлова, падчас якой вядомы беларускі пісьменнік распавядаў пра гістарычныя сувязі паміж Беларуссю і Чэхіяй.

Гэтыя сувязі сягаюць далёкіх гадоў сярэднявечча. Утрымліваюцца, вядома ж, і сёння. Уладзімір Арлоў згадаў між іншым пра тое, што прэзідэнт Чэхиі Вацлаў Гавел, з якім ён меў магчымасць сустракацца, заўсёды пакрэсліваў, што «канфігурацыя аб’яднай дэмакратычнай Еўропы ніколі не набудзе сваёй завершанасці без незалежнай Беларусі". Гавел ведаў нашу гісторыю і разумеў, што "Беларусь належыць да еўрапейскай цывілізацыі».

Пра 25-годдзе найбуйнейшай беларускай інтэрнэт-бібліятэкай Камунікат распавядау Яраслаў Іванюк.

- 20 чэрвеня 2000 году ў мяне нарадзілася двое дзяцей: мой сын Хрыстафор і біблікатэка Камунікат. Калі мы чакалі нараджэння сына, мая жонка навучыла мяне рабіць інтэрнэт-сайты ў простым кодзе html. З гэтага ўсё пачалося, а цяпер у рэсурсах Беларускай Інтэрнэт Бібліятэкі Kamunikat.org маецца больш за 65 000 розных беларусіх публікацый.

Тур Фонда Kamunikat.org і Уладзіміра Арлова працягваецца. Ужо сёння адбудзецца сустрэча з беларускай дыяспарай ў сталіцы Аустрыі. Пазней - лекцыя «Ад Рагвалода да БНР» і расповед пра 25-годдзе Камуніката прагучаць у Мюнхене, Цюрыху, Вісбадэне, Кёльне, Познані і Варшаве.

Падрабязнасці у нашых сацыяльных сетках:

Facebook

Instagram

Крыніца: Kamunikat.org

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк