Мастацтва 12/1999

«Мастацтва» — навукова-папулярны ілюстраваны часопіс. Выдаецца з 1983 г. ў Мінску. Друкуе матэрыялы па пытаннях тэорыі і гісторыі беларускага мастацтва, эстэтыкі, мастацкай спадчыны, асвятляе развіццё сучаснага прафесійнага, народнага і самадзейнага мастацтва, творчасць дзеячаў мастацтваў дзяржавы. Пад рубрыкамі «Народнае мастацтва», «Традыцыі і сучаснасць», «З народнай спадчыны», «Нататкі з экспедыцый» змяшчае артыкулы пра народнае дойлідства, ткацтва, ганчарства, кавальства, размалёўку, пляценне, разьбярства, новыя запісы народных песень, танцаў, абрадаў, звычаяў. На старонках часопіса абмяркоўваюцца шляхі і спосабы прадаўжэння колішніх традыцыяў у сучасным жыцці, змяшчаюцца творчыя партрэты народных майстроў, вядомых этнографаў, фалькларыстаў і інш. У розныя часы ў часопісе друкаваліся этнографы, мастацтвазнаўцы, даследчыкі народнага мастацтва і мастацкіх промыслаў, фалькларысты М.Ф. Раманюк, А.І. Лакотка, Я.М. Сахута, В.А. Лабачэўская, А.С. Ліс, І.К. Цішчанка, Г.А. Каханоўскі, В.Дз. Ліцвінка, В.К. Бандарчык, М.Ф. Піліпенка, Т.І. Кухаронак, Л.В. Ракава, У.І. Раговіч і інш.

• Месца выхаду: Мінск
• Дата выхаду: 1999-12
• Рэдактар: Дудараў Аляксей
• Выдавец: Мастацтва
• Кнігазбор: Kamunikat.org