Мастацтва 1 (382) 2015

У «Мастацтве» — змены: новыя рэдактары, канцэпцыя, дызайн. Каб адрынуць папрокі ва ўсёеднасці, мы абіраем лепшае з усіх відаў мастацтва, дакладна вызначаем сваю рэдактарскую пазіцыю і акрэсліваем «Каардынаты» ў культурным полі краіны. «Асабісты кабінет» Дзмітрыя Падбярэзскага, «Класіка ад Таццяны Мушынскай», «Апошнім часам ад Алесі Белявец», «Фотарамкі ад Любові Гаўрылюк», «Падзейны шэраг з Жанай Лашкевіч» канцэнтруюць увагу на артпадзеях, што адбываліся, дарэчы, не толькі ў Беларусі, але і за яе межамі. Дзесяць нешараговых пытанняў чакаюць «Асобу» месяца, якую мы будзем выбіраць сярод самых адметных герояў культурнай сцэны. У першым нумары мы звярнуліся да айца Ігара Карасцялёва, настаяцеля царквы іконы Божай Маці «Усіх тужлівых Радасць». А таксама — былога рокера па прызванні і архітэктара па адукацыі.

• Месца выхаду: Мінск
• Дата выхаду: 2015-01
• Рэдактар: Каваленка Алена
• Выдавец: рэдакцыйна-выдавецкая ўстанова «Культура і Мастацтва»
• Copyright: © 2014 by Мастацтва
• Кнігазбор: Kamunikat.org