Маладосць 9 (682) 2010

У нашым часопісе неаднойчы друкаваліся «Дзённікі…» пісьменнікаў, у якіх чыталася штодзённае жыццё з усім тым, што адбывалася, вядома ж, з адпаведным каментарыем і сваім бачаннем жыцця, падзей, ды і творчага люду таксама. Асабіста я ніколі нічога не запісвала ў дзённік — што называецца, усё ў памяці, адкуль, калі нешта трэба, возьмеш і дастанеш! Вось і ў гэтым нумары вельмі карціць згадаць Навума Зіноўевіча Кісліка, і не толькі таму, што ў верасні юбілейная дата яго Дня нараджэння. Помню, калісьці вельмі даўно нехта з маскоўскіх літаратараў запытаўся: «Ну, а хто ж вас, беларусаў, у Беларусі перакладае?» І, калі ў сваім пераліку я дайшла да імя Навума Кісліка, ён міжволі ўскрыкнуў: «О-о, дык Кіслік жа ўваходзіць ці не ў дзясятку лепшых расійскіх паэтаў!» Тая дзясятка на той час магла складацца з Юрыя Левітанскага, Давіда Самойлава, Аляксандра Межырава, Мікалая Старшынава, Яўгена Вінакурава…

• Месца выхаду: Мінск
• Дата выхаду: 2010-09
• Рэдактар: Баравікова Раіса
• Выдавец: Літаратура і Мастацтва
• Copyright: © 2010 by Маладосць
• Кнігазбор: Kamunikat.org