Максім Знак стаў пераможцам прэміі «Парушэнне спакою» Цэнтра Вацлава Гавэла, якая прысуджаецца адважнаму пісьменніку ў небяспецы

2025-08-08 21:31

Прэмія адзначае аўтараў выбітных твораў мастацкай літаратуры, літаратурнай публіцыстыкі, біяграфій, мемуараў, драматургіі або паэзіі, якія праяўляюць адважнасць у іншадумстве і зазнаюць несправядлівы пераслед за абарону дэмакратыі і правоў чалавека.

Пры абвяшчэнні ўзнагароды Біл Шыпсі — праваабаронца, заснавальнік і дырэктар ініцыятывы Art for Human Rights, а таксама сябра Рады дырэктараў Цэнтра Вацлава Гавэла — адзначыў:

"Як калега-юрыст, хай і ў маім выпадку ўжо ў адстаўцы, я вельмі рады, што Максім Знак быў адзінагалосна абраны журы прэміі як годны лаўрэат гэтага года. Знак адбывае дзесяцігадовае пакаранне, прызначанае ў верасні 2021 года. Ягоная кніга "Зэкамерон"— належыць да ліку самых кранальных і магутных узораў турэмнай літаратуры"

Максім Знак — адвакат, навуковец, пісьменнік, палітзняволены, які адбывае 10-гадовы тэрмін у калоніі ўзмоцненага рэжыму па беспадстаўных абвінавачаннях.

Больш пра Максіма Знака чытайце ТУТ.

Набыць кнігу «Зэкамерон».

Таксама вы можаце спампаваць прынты з Максімам Знакам у падтрымку палітвязняў.

Крыніца: Беларускі ПЭН

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк