Лявон Вольскі запісаў песьню на 5-годзьдзе сьмерці жонкі

2021-03-23 13:32

Ганна Вольская памерла 5 гадоў таму ад анкалягічнай хваробы.

Жонка Лявона Вольскага была музычным прадусарам і аўтарам шэрагу праектаў. Яна памерла 23 сакавіка 2016 году. Песьня «Толькі для цябе» насамрэч напісаная 15 гадоў таму пад уплывам Плошчы-2006 і ўвайшла ў альбом «06».

На той момант Ганна Вольская, успамінае Лявон, была паглыбілася ў чарговы праект, і даволі спакойна ўспрыняла музычны падарунак мужа.

Новы варыянт песьні створаны пры дапамозе Снорэ Бэргеруда. У сваім фэйсбуку Лявон Вольскі напісаў, што кампазыцыя зноў адсылае яго ў далёкі 2006-ы, дзе ён разам з жонкай стаяў на плошчы.

Цікава, што «Толькі для цябе», якая ўвайшла ў альбом, выконвалася на публіцы толькі аднойчы. Вольскі прыгадвае яе выкананьне толькі на падпольным канцэрце ў тагачасным сталічным клюбе «Максымус», дзе прэзэнтавалі альбом «06».

Крыніца: Радыё Свабода

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк