Літва № XXV (25)

2009 год значны вялікай гіста­рычнай датаю – 1000-годдзем першай згадкі ў пісьмовых крыніцах най­мення Літва (у лацінскім запісе Litua). Яе фіксацыя ў нямецкіх Кведлінбургскіх ана­лах паўстала з трагічнай нагоды забойства вядомага прапаведніка, магдэбургскага каноніка і місійнага біскупа, святога апостала – Бруна з Кверфурта (каля 970 – 14.02.1009). Ён прагнуў хрысціянізаваць люцічаў і печанегаў, быў у Польшчы, Венгрыі, Кіеўскай Русі. Спроба пашы­рыць хрысціянства сярод прусаў і яцвягаў скончылася забойствам паганцамі святога Бруна і яго 18 спадарожнікаў. Загінулі яны на мяжы Літвы і Русі 14 лютага 1009 г. Пасля апостал Бруна быў абвешчаны свя­тым і яго ўспамін адзначаецца 15 верасня.

• Дата выхаду: 2009-10
• Рэдактар: Стральцоў-Карвацкі Аляксандар Я.
• Copyright: © 2008 by Літва
• Кнігазбор: Kamunikat.org